Аввал хабар қилганимиздек, Қибрай туманидаги "HAYAT HOSPITAL" хусусий клиникасида "COVID-19" коронавируси касаллигига чалинган беморлар учун 90 ўринли жой барча жиҳозлари билан шай ҳолатга келтирилган эди.

Жорий йилнинг 29 июль куни "COVID-19"га қарши курашиш маркази саналмиш ушбу клиникадан коронавирус билан касалланган қибрайлик илк бемор аёл бутунлай соғайиб чиқди ва оиласи бағрига тантанали равишда кузатиб қўйилди.

Маълумот ўрнида айтиш жоизки, даволаниб чиққан аёл 20 июль куни клиникага келтирилган бўлиб, унга 9 кун давомида малакали шифокорлар томонидан юқори даражада муолажа ишлари олиб борилган.